LEMOVICUM

LEMOVICUM

Ptol. Rhatiastum olim, Gall. Limoges, urbs ampla Gall. Episcopal. sub Archiep. Bituricensi, ad Vigennam fluv. mercatu opulenta et celebris, intra colles, in vett. Not. inter prov. Aquitanicae primae civitates octo sextum locum obtinet, Rutenis, Albiensibus CVadurcisque postposita, quibus Lemovices olim multo validiores fuêre: In recent. quintum, Albiensibus in septimum reiectis. Habuit olim Amphitheatrum suum extra muros, unde Eccl. S. Mariae de Arenis nomen habet, hodieque inter 7. portas, quarum duae obstructae sunt, una Lemovicis est porta Arenarum dicta, quod per eam ad Amphitheatrum cives egrederentur: Ibidem et Coemeterium Arenarum est le Cimetiere des Arenes, locus Lemovicinorum ambulationibus celebratus. In eadem urbe, sub Merovingis, monetam percuti solitam esse, aurumque fiscale purgari fornace consuevisse, docet Audoenus l. 1. de vita S. Eligii. Ex eius Episcopis Ruricius Conc. Autelianensi 4. interfuit. Distat 20. leuc. ab Engolisma in Ort. 25. a Pictavio, versus Austr. Caput prov. Lemovicensis, le Limosin, sub qua etiam saepe Marchia Lemov. la Marche comprehenditur. Terminatur ab Ortu Alverniâ, ab Occ. Petrocoriensi prov. et Pictavensi, a Mer. Cadurcensi, a Sept. Bituricensi. Cum stricte sumitur, Marchiam ad Bor. haber. Baurdr. Secundum Hadr. Vales. dividitur haec prov. in Inf. le bas Limosin, et Sup. le haut Limosin: parsque eius est Marchia Lemovicum la Marche de Limosin simili modo divisa: in qua opp. vel castella sunt, subterranea Souterraine, Duratium le Dorat. Varactum Gueret, Vartimpo fluv. cognominis Vartempe. Huius regionis incolas quidam indigenas esse volunt et Aborigenes, eorumque conditorem faciunt Lemovicem, ab Gomeritis oriundum. Subiugârunt eos aliquando Gothi cum tota Aquitania: scribuntur inde Franci, Gothis exturbatis, Lemovicibus dedisse gubernatores: leguntur et constituti ipsis Comites et Duces: hi quidem gerendo bello, illi vero iustitiae administrandae, Merula.

Oppida et Castella prov. Lemovicensis.

Albucio Aubucon, ad Crosam. Briva Curretia Brive la Gaillarde, s. Courreze. Caslucium Chalus. Confluentes Confolan, ad Vigennam. Curretia Courreze. Ins. Iordanis l'Isle Iourdain. Lemovicae caput Gentis. Rupes Cavardi Rochechovard. Sollemniacum Solonniac. Torinna Turenne. Tutella Tulles, nunc sedes Ep. Ventadurum Vantadour. Usercha Userche, ad Viseram fluv. la Vezere. Hîc Synodo habitâ A. C. 1029. disceptatum acriter, an D. Martialis, inter Apostolos vel Confeslores referendus sit; armis dein omnibus interdictum, et ieiunium in pane et aqua feriâ sextâ, institutum est. Vide Baron. in Ann. ad A. c. 1038.